TUMBA E DÁLLE

A base da música que facemos é a música tradicional galega. Na maioría dos casos, tomamos un tema tradicional e reinterpretámolo introducíndolle os nosos propios arranxos na busca dun son propio. Asimesmo estamos comezando a facer as nosas propias composicións e as nosas propias letras, que adoitan adaptarse en gran medida aos ritmos e estruturas tradicionais. En todo caso, tampouco somos alleos ás influencias doutras músicas e , en especial, das que comparten connosco a influencia e orixe celta.

Desde o debut, o 18 de setembro de 2010 na I Festa de exaltación do cemento, onde compartimos cartel con grupos de renome e consolidados no panorama musical galego cun notable éxito, foron moitas as Festas, Romarías, Foliadas, Seráns…nas que participamos, principalmente ao longo da comarca. Destacan entre estas a Festa do San Caetano, cita que ano tras ano se vai consolidando como un referente na zona na aposta pola música do país. Fóra da comarca cómpre salientar as actuacións na Festa do Mexilón de Vilanova de Arousa ou nos Seráns do Sarela en Santiago de Compostela.
A nivel organizativo hai que salientar que levamos a cabo dúas foliadas con importante presenza de músicos da zona . A primeira foi en Rinlo en Abril do 2011 e a segunda vèn de celebrarse recentemente en Santa Cruz (Ribadeo). Asimesmo estamos preparando, con data aínda sen pechar, pero en todo caso para este verán, xunto co Colectivo Cultural Ollomao, o I Festival “Ao Son do Masma” a celebrar nas inmediacións de dito río, nas parroquia barreirense de Celeiro de Mariñaos. Isto sería un festival, ao estilo Pardiñas por exemplo, onde ademáis dos concertos de grupos importantes a celebrar na noite do sábado, se enchería de contido o día ou fin de semana enteira con presenza de stands de venda e promocións de artesáns, músicos e músicas, asociacións etc. do mundo da música tradicional, con obradoiros de elaboración de instrumentos, obradoiros de baile e música tradicional nos seus diferentes instrumentos, roteiros polo Masma, xogos populares. Isto é algo que está aínda en proceso de planificación pero que, ao igual que todo o que nos permita tocar e gozar da música que máis nos gusta, nos enche de ilusión.

Compoñentes.- 8 (de S. Miguel, S. Cosme, Rinlo e Lourenzá)
Ano Fundación.- 2010
Local de ensaio.- Escolas Vellas de San Miguel
Instrumentos.- Gaita, Acordeón Diatónico, Tambor, Bombo, Pandeireta, Pandeira, Pandeiro, Voces, Requinta, Djembé, Darbuka, e Percusión menuda (culleres, cunchas, castañolas, triángulo…)


SUN FACE

Sun Face é un grupo de Ribadeo formado por 4 compoñentes: Camel (cantante e guitarrista), Rubén Rañón (batería), Roberto Veiga (cantante e guitarrista) e Cherry (cantante e baixista). O grupo formouse aproximadamente no 2006, aínda que sufriu algúns cambios ata chegar á formación actual, substituindo Cherry a Zesar (baixista e cantante) que fundara o grupo xunto a Camel e Roberto Veiga.
Sun Face practica un rock melodico en fusións doutros tipos de música como poden ser o reagge, o funky e o indie, ou o rock n’roll máis clásico, alternando o castelán e o inglés nas letras das súas cancións.
Ata o de agora, o grupo ten gravadas dúas cancións cos seus respectivos videos, obtendo gran aceptación por parte do público. Actuamente, a banda atópase en proceso de gravación de cancións para o que pode ser a próxima edición dun EP ou un disco; tamén están perfeccionando o seu repertorio a base de temas propios para comezar unha nova rolda de actuacións de cara á presentación do mencionado disco.

http://www.youtube.com/watch?v=dSU-hcF763I                              http://www.youtube.com/watch?v=aEMocUXkveQ


MALLORY

Conta a lenda que catro individuos con tendencia á festa, a cervexa, e ás grellas con amigos, coincidiron un día na consulta do psicólogo e, animados polos seus gustos musicais comúns, decidiron montar unha banda para alegría dos seus amigos, goce dos seus fans e pesar dos seus familiares e veciños.  

Despois duns anos descargando o seu rock n’roll en todos cantos sitios lles foi permitido, no ano 2000 do noso señor sae á luz o seu primeiro traballo chamado como o propio grupo. Á saída de tan esperado traballo síguelle unha xira por todo o estado coa que presentan as súas cancións a todos aqueles que queiran escoitalos. Dous anos despois e animados polos aplausos recibidos en todas (ou case todas) as actuacións, sacan o seu segundo traballo chamado “baskerville” onde as súas influencias hardrockeiras quedan máis que patentes, conseguindo un son propio e identificativo que en moitos medios deron en chamar “gaita n’roll”. Unha vez o disco saiu ao mercado o grupo dispúxose  a presentar os seus novos temas onde lles foi permitido. Despois dun parón debido ao internamento forzoso de varios dos seus membros, o grupo saiu de novo á estrada conmemorando o 20 aniversario da morte do seu idolatrado Phil Lynott, facendo unha minixira de versións de Thin Lizzy. No ano 2012 celebran o seu 20 aniversario como banda cun memorable concerto no Cantón dos Moreno de Ribadeo, repasando gran parte das súas creacións e acompañados por grandes músicos e amigos da escena musical ribadense.

Desde entón, os Mallory, sobreviviron como soldados de fortuna, se vostede os atopa, quizais poda contratalos…

Fran G. – voz, guitarra e gaita                                                                                          Rober Martinez – bateria, percusión e coros                                                              Armando Daveiga – Guitarra e coros                                                                                    Fillo – Baixo e coros

www.myspace.com/malloryonline

YOUTUBE                                                                                                           http://www.youtube.com/watch?v=qShrG5aGMlw                           http://www.youtube.com/watch?v=okOZs31Ac5s


REMAKERS

Verán de 2009: Músicos ribadenses de bandas veteranas como Beetle Judge, Mallory, Zora Gabbara, Amigos de lo ajeno e distintos proxectos musicais de diversos estilos unen as súas forzas para levar a cabo un proxecto paralelo ás súas actividades, simplemente, por pura diversión e pracer, nace REMAKERS, unha banda de versións de Rock & Roll, Pop, Punk, Soul …calquera estilo é válido, a madurez musical dos que forman a banda fai imposible encadralos nun estilo concreto, pero á súa vez o son de REMAKERS ten etiqueta propia, desde Queen a PJ Harvey, pasando por Pearl Jam, Def Leppard ou Joey Division, todos con sinal de identidade, bases contundentes, xogos de guitarras acústicas eléctricas e coidadosas armonizacións vocais.

Os directos de REMAKERS caracterízanse polos seus cara a cara co público, e a súa intensa e sincera interpretación de cancións escollidas para divertírense e divertir, cun set list plagado de hit singles que fai vibrar a todo tipo de público, desde a primeira ata a última nota.

 Cherry: Voz e guitarra. Fran: Guitarra e coros.  Pablo: Guitarra e coros.  Rober: Batería e coros.  Fillo: Baixo e coros.

 

www.myspace.com/remakersonline

remakers.rock@gmail.com

 E-mail: o.fillo@gmail.com 

617 805 676


ZORA GABBARA

Zora Gabbara nace como grupo no ano 2007 en Ribadeo (Lugo), cando Héctor Peña e Miguel Ánxo Fernández, cantante e baixista respectivamente do grupo de hard rock Beetle Judge (disc-“sons of the acid machine”- Norte y Sur-1998, ”Lagoon”autoedit-2001) deciden comezar unha nova aventura, dando renda solta a ideas e cancións, principalmente en formato acústico, que pouco se asemellaban cos temas de rock duro da sua banda nai.

A banda formada por tres membros, Héctor (freak gabbara), Miguel (Cherry gabbara) e Javi (Javi Gabbara) entra no estudio a gravar no 2008 o seu primeiro EP autoeditado e financiado por eles mesmos e, ao que titulan “songs for jubal”. Gravado e producido nos meses de xaneiro e marzo de 2008, o resultado é un CD de 5 temas nos que o grupo viaxa a través do rock, o folk, e incluso algunhas sorpresas a ritmo de waltz.

No disco caben varias texturas interpretadas con baixo, guitarras, violins, acordeóns, pianos e percusións (estas a cargo na súa maioría de Xavier Fernández, batería do grupo Moondogs Party)… pero o que máis prima son cancións redondas e completas que é polo que aposta Zora Gabbara neste sorprendente EP.

Podes acceder ó seu material na zona Descargas. Máis sobre o grupo en: http://www.myspace.com/zoragabbara

En Youtube:

honey waltz http://www.youtube.com/watch?v=ZypI2hbl4rI
desire http://www.youtube.com/watch?v=VXAhItgb_nk
sweet child o’ mine http://www.youtube.com/watch?v=IQrfu7JMpq8
months of marilyn http://www.youtube.com/watch?v=AL6Kb-hqKZ8
fresh was the morning http://www.youtube.com/watch?v=ZcB79VewbEY
zora gabbara entrevista «sons for jubal» http://www.youtube.com/watch?v=68dUry5pUTs