Agosto Sonda Norte nas rúas de Ribadeo

O Agosto Sonda Norte vén complementando a programación cultural da vila desde a presentación de Mariñarte o día 10 de agosto, pero do que tamén forman parte a Exporock Ribadeo, varios obradoiros para grandes e pequenos, un RúaCital e algunhas outras sorpresas como a que se deu a coñecer estes días coa participación de varias bandas locais no Festival Rock Festas Patronais que terá lugar o 31 de agosto. É, sen dúbida, unha aposta que parte do talendo e das ganas de moitos e moitas artistas ribadenses que queren acompañar os días de festa con arte e música.
Ademais das exposicións que podedes visitar estes días no Forte de San Damián e na Casa da Xuventude, mañá xoves ao longo da tarde, Andrea Lombardía impartirá un obradoiro de creación con plastilina no Parque San Francisco. Outra cita importante será o 1 de setembro, día no que Sergio Irigoyen desenvolverá varios talleres de creación literaria. Do mesmo xeito, seguramente no marco das Festas Patronais, poderemos gozar cos versos de Silvia Murias e Víctor Villar, nun RúaCital acompañado pola guitarra de Héctor Peña.

Unha reflexión sobre “Agosto Sonda Norte nas rúas de Ribadeo

  1. Pingback: Nordés en popa e a toda vela o “Agosto Sonda Norte” | Mocidade Ribadeo

Deixa unha resposta

O teu enderezo electrónico non se publicará Os campos obrigatorios están marcados con *

*

Podes utilizar estas etiquetas e atributos HTML : <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>