Oito artistas presentes nas rúas de Ribadeo

Ademais do que foi a propia intervención artística no marco do Ribadeo de Tapeo, a vila loce desde esta fin de semana outra cara, máis alegre e divertida. Son moitas as persoas que ao pasar deciden observar, fotografar ou comentar algunha das 11, nun días serán 12, tapas que decoran a rede de saneamento desde a rúa San Francisco ata a Rodríguez Murias, pasando polas catro rúas.

 Tanto a veciñanza como os propios artistas quedaron moi satisfeitos polo resultado, que deu moito que falar estes días nos medios e nas redes sociais.

 

 

 

Tapas de sumidoiros con moita arte en Ribadeo (La Voz de Galicia, 25/05/2012)              O Ribadeo de tapeo inspira aos artistas (La Voz de Galicia, 26/05/2012)                           O Ribadeo de tapeo deixa un magnífico sabor de boca  (La Voz de Galicia, 27/05/2012)

Moitas persoas visitaron a vila e levaron consigo un anaco do espírito artístico que inundou o tapeo ribadense. Ogallá o vindeiro ano se repita esta iniciativa, que pode trasladarse a outras rúas e facer partícipe a moitos e moitas outras artistas.


Sonda Norte participou no Ribadeo de Tapeo a través da Ruta da Tapas

A Ruta das Tapas consistiu nunha intervención artística na rúa, unha iniciativa para acompañar e fortalecer o Ribadeo de Tapeo, organizado desde hai anos, con moito éxito, pola área de Desenvolvemento Local do Concello de Ribadeo.

 Coa Ruta das Tapas, as e os artistas de Sonda Norte pretenderon, dun módulo lúdico e temporal complementar cultura e desenvolvemento económico así como trasladar á rúa contidos artísticos para convertela nun contedor cultural máis, horizontal e accesible para todos os públicos.

 A intervención comezou o xoves nas rúas de Ribadeo, aínda que o sábado foi o día grande desta iniciativa que encheu de cor o espazo público a través da pintada de tapas dos sumidoiros.

Participaron nesta intervención as e os seguintes artistas: Ánxela López Pulpeiro, Ribadeo, 1983. Nacho Riesco, Madrid, 1973. Andrea Lombardía, A Veiga, 1990. Héctor Peña, Ribadeo, 1981. María Teresa Castro, Mieres, 1955.  Ángel Sanz, Ribadeo, 1967. Jorge Álvarez Conde-Jotace, Ribadeo, 1989. Fernando Couto, Sâo Paulo, 1988


Nacho Riesco

ILUSTRACIÓN

Comencé  como casi todo el mundo, con sólo un lápiz…Pasando después por diferentes medios como acrílicos, acuarelas, óleos, etc. Siendo el aerógrafo una de las herramientas más importantes durante muchos años, la cual me llevo a ejercer como profesor en la materia. Mi formación ha sido totalmente autodidacta, siendo mi pasión por el arte lo que me ha llevado a adquirir lo conocimientos que tengo hoy en día.

Hoy en día estoy inmerso totalmente en el mundo digital, después de descubrir las posibilidades de Adobe Photoshop y posteriormente añadí elementos en 3D a mi método de trabajo con Pixologic Zbrush, siendo ambos programas mis principales herramientas de trabajo. Aunque dependiendo del encargo también incorporo distintos programas según las necesidades de cada trabajo.

Mis temas favoritos son la fantasía y la Ciencia Ficción, en los cuales siempre encuentro mi principal fuente de inspiración.

E-mail: riesconacho@gmail.com


Primordiais, música e poesía desde o corazón.

O sábado 19 de maio Ribadeo acolleu a Primordiais no marco do ciclo Músicas Posíbeis e aproveitando a presenza do dúo na vila, Sonda Norte organizou un encontro con eles. Esta foi a segunda cita dentro do que están a ser os Encontros promovidos pola plataforma.

Marcelo e Luís levan moitos anos traballando en diferentes artes relacionadas coa música, a danza e tamén coa recollida e interpretación do repertorio transmitido durante décadas a través da oralidade. Centran a súa investigación principalmente no sur da provincia de Pontevedra onde, fai un tempo, descubriron que o amor polas notas musicais non era o único que tiñan en común senón tamén coincidencias na súas árbores xenealóxicas.

O encontro trascorreu nun ambiente moi próximo no que ambos explicaron de primeira man a súa ilusión neste proxecto e a importancia da interpretación desde formatos próximos ao público. Do mesmo xeito, confesaron que a creatividade e a improvisación son características nas que se basea o seu traballo e ás que lles gusta non poñer límites.

No vindeiro programa da Sonda Norte TV poderedes escoitar como responderon ás preguntas d@s sondanorteñ@s que acudiron ao encontro.


Mes de maio cargado de actividades Sonda Norte.

Chega o bo tempo e, con el, a axenda cultural en Ribadeo acelérase. Poucas vilas da Mariña poden presumir dun calendario tan completo no que Sonda Norte vai ter moito que ver.

O día 19, con motivo do concerto de Primordiais en Ribadeo, Sonda Norte aproveita para organizar un novo encontro no marco de Sonda Norte Encontros e Formación. Será ás 13 horas na Escola Municipal de Música e Danza e contará coa presenza de Marcelo González  e Luís Martíns. Este dúo prepara o seu primeiro disco ao longo da súa xira por terras mariñás.

Tamén estamos traballando na montaxe da Exposición de Ilustración, Cómic e Banda Deseñada que acollerá obras dunha ducia de artistas locais, como sabedes, este evento da Sala Sonda Norte terá tamén a súa proxección na rúa. Será o sábado  26 de maio, no marco do Ribadeo de Tapeo. As e os participantes na exposición trasladarán unha das súas obras á ‘Ruta das tapas’, unha intervención que encherá de cor as catro rúas.

Pero, non só se vai vivir de coloridas tapas este mes, cómpre destacar outras citas de interese como son  o teatro de Volta e Dálle coa obra Menciñeiros, o Concertos das Letras Galegas o día 17, a Semana do Comercio Xusto da man de Amarante e do S.L.G entre o 13 e o 16 de maio, así como tamén a proposta para as mulleres de pasar polas augas do balneario de Guitiriz o día 20. Podedes estar ao tanto destes e doutros contidos nas redes sociais e nos medios de comunicación locais.